Ümumi qaydalar

İnternet-mağaza Autoparts.az

Ümumi oferta müqaviləsi

Terminlər və anlayışlar:

Satıcı – “Autoparts” (VÖEN: 1701597732 Ünvan: Bakı şəh., (AZ1095), Səbail rayonu. Nizami, 12  e-mail: info@autoparts.az).

Alıcı – hazırkı ümumi ofertanı (razılaşmanı) aksept edən (qəbul edən) istənilən hüquqi və ya fiziki şəxs.

İnternet-mağaza – Satıcı “Autoparts”https://www.autoparts.azünvanında yerləşən rəsmi internet-mağazası.

Sayt – Alıcının İnternetdə https://www.autoparts.azdomenində baxa biləcəyi elektron resurslar.

Mal – adı, xüsusiyyətləri və qiymətləri https://www.autoparts.azsaytında yerləşdirilən məhsullar.

Sifariş – Sayt vasitəsilə, telefonla və ya hər hansı digər yolla Saytda yerləşdirilmiş malların alışı ilə bağlı edilmiş müraciət.

Çatdırılma – Malların Alıcının göstərdiyi ünvana çatdırılması və onun Alıcıya və ya Alıcının göstərdiyi şəxsə verilməsi xidmətləri.

Kuryer xidməti – Satıcı tərəfindən müəyyən edilmiş, malların Alıcıya çatdırılmasını həyata keçirən üçüncü şəxs.

Ümumi müddəalar

Bu ümumi Oferta “Autoparts” “Autoparts”  ilə məhsul alqı-satqısı müqaviləsini bu ofertada müəyyən edilmiş şərtlərlə bağlamaq üçün fəaliyyət qabiliyyəti və zəruri səlahiyyəti olan hər hansı bir şəxsin ünvanına verdiyi rəsmi təklifdir.

İstehlakçı hüquqlarının müdafiəsi sahəsində münasibətlər Azərbaycan Respublikasının Mülki Məcəlləsi, “İstehlakçıların hüquqlarının müdafiəsi haqqında” Azərbaycan Respublikasının Qanunu və ona əsasən qəbul olunan digər hüquqi aktlar ilə tənzimlənir. 

Müqavilənin predmeti

Satıcı, Alıcının sifariş etdiyi və dəyərini ödədiyi malları onun mülkiyyətinə verməyi, Alıcı isə sifariş edərək dəyərini ödədiyi və Alıcının ona təqdim etdiyi malları qəbul etməyi öhdəsinə götürür.

Mala mülkiyyət hüququ Alıcı tərəfindən Malın qəbulu və bu Müqavilənin şərtlərinə uyğun olaraq qəbul edilmiş Malın tam dəyərini ödəməsi zamanı Alıcıya keçir. Malın təsadüfi şəkildə məhv olunması və ya zədələnməsi riski Malın Alıcı tərəfindən qəbul edildiyi andan Alıcıya keçir.

Müqavilənin bağlanılma anı

Hazırkı müqavilənin mətni Azərbaycan Respublikasının Mülki Məcəlləsinin 408-ci maddəsinin tələblərinə uyğun olaraq ümumi ofertadır. 

Məhsul sifarişinin Satıcıdan həm şəxsən, həm də internet mağaza meneceri vasitəsilə rəsmiləşdirilməsi faktı bu Müqavilənin şərtsiz qəbul edilməsidir və həmin andan Alıcı “Autoparts”  ilə müqavilə münasibətlərinə daxil olan şəxs sayılır. 

Malın sifariş verilməsi və dəyərinin ödənilməsi https://www.autoparts.az saytı vasitəsilə və həmin saytda göstərilən şərtlərlə həyata keçirilir.

Malın xüsusiyyətləri

Saytda təqdim olunan Mallar Satıcının, Malın tədarükçülərinin və ya istehsalçılarının mülkiyyəti olan şəkillər və fototəsvirlərlə müşayiət olunur. Hər bir Malın adı, qiyməti, rəngi, ölçüsü və digər formada təsviri göstərilir.

Satıcının Saytında təqdim olunan bütün materiallar yalnız ümumi məlumat üçündür və Malların müəyyən xassələri və xüsusiyyətləri, məsələn: rəng, forma, ölçü və qablaşdırma haqqında etibarlı məlumatları tam şəkildə çatdıra bilməz. Malların xassələri və xüsusiyyətləri ilə bağlı Alıcının sualları olduğu halda, Müqaviləni bağlamazdan əvvəl, Alıcı konsultasiya üçün Satıcı ilə əlaqə saxlamalıdır.

Məhsulda rəng, forma, ölçü və ya digər parametrlər baxımından Saytda təqdim olunan şəkildən cüzi fərqlər ola bilər. Məhsul, Azərbaycan Respublikasının qanunvericiliyi ilə nəzərdə tutulmuş qaydada, bütün lazımi sertifikatlara malikdir və Azərbaycan Respublikasının qanunvericiliyinin norma və tələblərinə tam cavab verir. 

Müqavilənin şərtlərinə uyğun olaraq Malların satışı real vaxt rejimində (gecə-gündüz) həyata keçirilir. Malların qiymətinin və ya mövcudluğunun dəyişməsi Alıcıya öncədən xəbər verilmədən həyata keçirilir. Yalnız Alıcının sifarişi Satıcı tərəfindən qəbul və təsdiq edildikdən sonra Mallarda qiymətin və ya mövcudluğun dəyişməsinə yol verilmir.

Malın qiyməti

Malların qiymətləri Satıcı tərəfindən birtərəfli qaydada müəyyən edilir və Saytda Azərbaycan manatı ilə göstərilir. Qiymətlərə vergilər (ƏDV və s.) daxildir. Malın qiyməti Satıcı tərəfindən birtərəfli qaydada dəyişdirilə bilər. İstisna olaraq, Alıcının sifariş etdiyi və Satıcı tərəfindən həmin sifariş təsdiq edildiyi halda Malın qiyməti dəyişdirilə bilməz.

Saytda qeydiyyat

Onlayn mağazada qeydiyyatdan keçmiş alıcı loqin və şifrə təqdim etməklə fərdi identifikasiya alır. Alıcının fərdi identifikasiyası Alıcının adından üçüncü şəxslərin icazəsiz hərəkətlərindən qaçmağa imkan verir və əlavə xidmətlərə çıxışı təmin edir. Loqin və şifrənin Alıcı tərəfindən üçüncü şəxslərə ötürülməsi qadağandır.

Satıcı qeydiyyat zamanı Alıcı tərəfindən verilən məlumatların düzgünlüyünə görə məsuliyyət daşımır.

Sifarişin verilmə qaydası

Malların sifarişi Alıcı tərəfindən aşağıdakı üsullardan biri ilə həyata keçirilir:

Satıcının saytında olan onlayn sifariş formasi vasitəsilə;

Satıcının əlaqə telefonu vasitəsilə.

Saytda sifarişi müstəqil rəsmiləşdirdikdə, habelə satıcının əlaqə telefonu ilə müraciət etməklə sifarişi rəsmiləşdirdikdə Alıcı aşağıdakı məlumatları bildirməyi öhdəsinə götürür: 

Ad, Soyad, Ata adı;

Malın çatdırılma ünvanı;

Elektron poçt ünvanı (sifarişi saytda müstəqil rəsmiləşdirdikdə);

Əlaqə nömrəsi;

Malın adı, kodu və miqdarı;

Ehtiyac olan əlavə məlumatlar.

Alıcının Sifarişinin qəbul edilməsi faktı Satıcı tərəfindən aşağıdakı üsullardan biri ilə təsdiqlənir:

Alıcı tərəfindən göstərilmiş əlaqə telefonlarından birinə Satıcı tərəfindən zəng etməklə və Alıcının verdiyi sifarişdəki məlumatları və / və ya çatdırılma şərtlərini dəqiqləşdirərək təsdiq etməklə;

Satıcı tərəfindən Alıcının elektron poçt ünvanına müvafiq mesaj göndərməklə.

Sifariş Satıcı tərəfindən yalnız Sifarişin tərkibi, onun dəyəri və çatdırılma üsulu razılaşdırıldıqdan və Satıcı tərəfindən Alıcıya müvafiq bildiriş verildikdən sonra icra üçün qəbul edilir.

Sifariş verilərkən həmin sifarişə fərdi nömrə verilir və bu nömrə Alıcıya bildirilir. Satıcının İnternet saytında istənilən vaxt Alıcı öz sifarişinin vəziyyətini izləyə bilər.

Malın dəyərinin ödənilməsi

Sifarişin ödənilməsi nağd və ya nağdsız ödəniş yolu ilə həyata keçirilir.

Nağd ödəniş zamanı Alıcı Malın təhvil verildiyi vaxt onun dəyərini Satıcıya və ya Malı çatdıran kuryerə ödəyir, Satıcı isə Alıcıya satış qəbzi və ya Malın dəyərinin ödənilməsini təsdiq edən digər sənəd təqdim edir.

Nağdsız ödəniş Malın dəyərinin Satıcının bank kartı və ya bank hesabına 100% öncədən köçürülməsi yolu ilə həyata keçirilir. Bank kartı və bank hesabı barədə məlumatlar hazırkı Müqavilənin 16-cı bəndində göstərilir.

Mallar Alıcının ödədiyi fakturada göstərilən qiymətlərə, adlara və miqdarlara uyğun Alıcıya təhvil verilir. 

Sifarişin icra müddəti, Malların çatdırılması

Sifarişin icra müddəti, habelə təhvil verilmə şərtləri və çatdırılma qiyməti hər sifarişə uyğun individual hesablanır və sifariş zamanı Alıcıya bildirilir. 

Bir qayda olaraq Malların çatdırılması Satıcı tərəfindən Kuryer Xidmətlərinin cəlb edilməsi yolu ilə həyata keçirilir. 

Çatdırılma zamanı Sifariş birbaşa Alıcıya və ya Alıcı tərəfindən Sifarişin qəbuledicisi kimi göstərilən başqa şəxsə təhvil verilir.

Sifarişin Alıcıya və ya Alıcının göstərdiyi digər şəxsə təhvil verilməsi, sifarişin çatdırılmasının icra edilməsi hesab olunur. Alıcı (Alıcının göstərdiyi digər şəxs) Malları qəbul etməklə və (və ya) onun haqqını kuryerə ödəməklə Sifarişin icrasını təsdiq edir. 

Alıcının malları qəbul etmək üçün gəlməməsi və ya Malın qəbulu üçün digər zəruri hərəkətləri etməməsi, Satıcı tərəfindən Alıcının Müqaviləni yerinə yetirməkdən imtinası kimi qiymətləndirilə bilər.

Malların qaytarılması və dəyişdirilməsi

“İstehlakçıların hüquqlarının müdafiəsi haqqında” Azərbaycan Respublikasının Qanununun 7-ci maddəsinə əsasən Alıcı aldığı malda qüsur və ya saxtalaşdırma aşkar edərsə, öz istəyinə görə satıcıdan aşağıdakıları tələb etmək hüququna malikdir:

Malı lazımi keyfiyyətli mala dəyişdirməyi;

Malın satış qiymətini uyğun məbləğdə azaltmağı;

Malın qüsurlarının Satıcının hesabına aradan qaldırılmasını və ya qüsurların aradan qaldırılması üçün xərclərin əvəzinin ödənilməsini;

Malın, həmin mala uyğun digər modelli (markalı, tipli və i. a.) mal ilə, dəyəri yenidən hesablanma şərti ilə əvəz edilməsini;

müqavilənin ləğv edilməsini və çəkdiyi zərərin ödənilməsini.

Satıcı Alıcıdan lazımi keyfiyyəti olmayan malı geri götürməyə və Alıcının yuxarıda göstərilən tələblərindən birini yerinə yetirməyə borcludur.

Satıcı dəyişdirilməli olan malın keyfiyyətini tələb irəli sürüldüyü tarixdən etibarən 14 gün ərzində yoxlamaq hüququna malikdir. Bu müddət ərzində Malın həqiqətən Satıcının və ya İstehsalçının günahından qüsurlu olduğu və malın qüsurlu olmasında Alıcının günahının olmadığı aşkarlanarsa, Satıcı Alıcının tələblərini yerinə yetirməlidir. 

Mal geri götürülərkən o, Satıcı tərəfindən Alıcıya təhvil verildiyi zaman mövcud olan xüsusiyyətlərə malik olmalı, malın özündə və ya qablaşdırılmasında ciddi nasazlıqlar olmamalıdır.

Mal geri götürüldükdən sonra onun ödənilmiş dəyəri Satıcı tərəfindən Alıcıya qaytarılır.

Tərəflərin hüquqları və öhdəlikləri

Satıcının öhdəlikləri:

Satıcı, Azərbaycan Respublikasının qanunvericiliyində başqa hal nəzərdə tutulmadıqda, Alıcının heç bir şəxsi məlumatını açıqlamamağı və bu məlumatı üçüncü şəxslərə təqdim etməməyi öhdəsinə götürür.

Satıcı, Alıcının şəxsi məlumatlarını mövcud qanunvericiliklə nəzərdə tutulmuş qaydada emal etməyi öhdəsinə götürür.

Satıcının hüquqları:

"Cookies" texnologiyasından istifadə etmək. "Cookies" məxfi məlumatları ehtiva etmir və üçüncü tərəflərə ötürülmür.

Alıcının razılığı olmadan Sifarişlərin icrası ilə bağlı hüquq və vəzifələrini üçüncü şəxslərə ötürmək.

Bu Müqaviləni, Malların qiymətlərini və müvafiq xidmətlərin tariflərini, malların birtərəfli qaydada ödənilməsi və çatdırılması üsullarını və şərtlərini Saytda yerləşən onlayn mağazanın səhifələrində yerləşdirməklə dəyişdirmək. Bütün dəyişikliklər Saytda dərc edildikdən dərhal sonra qüvvəyə minir və belə dərc edildiyi andan Alıcının diqqətinə çatdırılmış hesab olunur.

Alıcı ilə aparılan telefon danışıqlarını yazmaq. Bu Müqaviləni qəbul etməklə Alıcı, Satıcı ilə onun arasında aparılan telefon danışıqlarının yazıldığı barədə xəbərdar olmuş və həmin danışıqların yazılmasına razılıq vermiş hesab edilir.

Sayta daxil olan ziyarətçinin IP ünvanı haqqında məlumat almaq. Bu məlumat ziyarətçinin şəxsiyyətini müəyyənləşdirmək üçün istifadə edilmir və üçüncü tərəflərə ötürülə bilməz.

Alıcıya elektron poçt, sms və ya digər yolla endirimlər, aksiyalar, yeni məhsullar və s. barədə reklam xarakterli informasiya göndərmək.

Alıcının öhdəlikləri:

Müqavilə bağlanmazdan əvvəl mağazanın saytında Ümumi oferta müqaviləsinin məzmunu, ödəniş və çatdırılma şərtləri ilə tanış olmaq.

Özü (ad, soyad, ata adı, əlaqə nömrəsi, elektron poçt) və Malın çatdırılması barədə mötəbər məlumatları vermək. 

Müqavilə ilə nəzərdə tutulmuş qaydada Malın və onun çatdırılma haqqının dəyərini ödəmək.

Alıcının hüquqları:

Elektron poçt və ya sms ilə göndərilən məlumatları almaqdan imtina etmək.

Malda qüsur aşkar olunarsa Azərbaycan Respublikasının qanunvericiliyində nəzərdə tutulmuş qaydada onu geri qaytarmaq.

Tərəflərin məsuliyyəti və mübahisələrin həlli qaydası

Bu Müqavilənin şərtlərinin yerinə yetirilməməsi və ya lazımınca yerinə yetirilməməsinə görə Tərəflər Azərbaycan Respublikasının qanunvericiliyinə uyğun olaraq məsuliyyət daşıyırlar.

Onlayn mağazada yerləşdirilən bütün mətn məlumatlarının və qrafik şəkillərin qanuni sahibi var, bu məlumatların və şəkillərin qanunsuz istifadəsi Azərbaycan Respublikasının mövcud qanunvericiliyinə uyğun olaraq məsuliyyət yaradır.

Tərəflər, aralarında yaranmış bütün mübahisələri qarşılıqlı danışıqlar yolu ilə həll etməyi üzərlərinə götürürlər. Qarşılıqlı danışıqlar nəticəsində razılıq əldə edilməzsə, mübahisə Azərbaycan Respublikasının qüvvədə olan qanunvericiliyinə uyğun məhkəmə yolu ilə həll olunur.

Fors-major hallar

Tərəflər fors-major hallarında Müqavilə üzrə öhdəliklərin yerinə yetirilməməsinə və ya lazımınca yerinə yetirilməməsinə görə məsuliyyətdən azad edilirlər. Fors-major dedikdə, Tərəflərin bu Müqavilə üzrə öhdəliklərini yerinə yetirməsinə mane olan fövqəladə və qarşısıalınmaz hallar başa düşülür. Bunlara təbiət hadisələri (zəlzələ, daşqın və s.), ictimai həyat şəraiti (hərbi hərəkətlər, fövqəladə vəziyyət, böyük tətillər, epidemiyalar və s.), dövlət orqanlarının qadağanedici tədbirləri (daşımanın qadağan edilməsi, valyuta məhdudiyyətləri, beynəlxalq sanksiyalar) daxildir. Bu müddət ərzində Tərəflərin qarşılıqlı öhdəlikləri yoxdur və Tərəflərin hər biri fors-majorun nəticələri ilə bağlı öz riskini öz üzərinə götürür.

Məxfilik və məlumatların qorunması

Saytın istifadəçilərinin və ya Alıcıların şəxsi məlumatları “Fərdi məlumatlar haqqında” Azərbaycan Respublikasının Qanununda nəzərdə tutulmuş qaydada emal olunur və qorunur.

Saytda qeydiyyatdan keçərkən İstifadəçi aşağıdakı məlumatları təqdim edir: Soyad, Ad, Ata adı, telefon nömrəsi, elektron poçt ünvanı, çatdırılma ünvanı.

Satıcıya öz şəxsi məlumatlarını təqdim etməklə, Saytın Ziyarətçisi / İstifadəçisi / Alıcı, Satıcının Saytın Ziyarətçisi / İstifadəçisi / Alıcısı qarşısında öhdəliklərinin yerinə yetirilməsi, mal və xidmətlərin təşviqini, elektron və sms sorğuların aparılması, marketinq kampaniyalarının nəticələrinin monitorinqi, müştəri dəstəyi, malların Alıcılara çatdırılmasının təşkili, Sayt Ziyarətçiləri / İstifadəçiləri / Alıcıları arasında uduşların keçirilməsi, Sayt Ziyarətçisinin / İstifadəçinin / Alıcının məmnunluğunun monitorinqi, həmçinin Satıcı tərəfindən göstərilən xidmətlərin keyfiyyətinin ölçülməsi məqsədilə Satıcıya həmin şəxsi məlumatların emal edilməsinə razılıq verir.

Fərdi məlumatların emalı dedikdə, avtomatlaşdırılmış və ya avtomatlaşdırılmamış vasitələrlə, təqdim edilən məlumatlar üzərində aparılan əməliyyatlar, yəni məlumatların toplanması, qeydə alınması, sistemləşdirilməsi, yığılması, saxlanması, aydınlaşdırılması (yenilənməsi, dəyişdirilməsi), istifadəsi, ötürülməsi (o cümlədən üçüncü şəxslərə ötürülməsi), bloklanması, silinməsi, məhv edilməsi nəzərdə tutulur. 

Fərdi məlumatların üçüncü şəxslərə ötürülməsi yalnız qanunvericlikdə nəzərdə tutulmuş hallarda həyata keçirilir.

Satıcı İstifadəçinin/Alıcının elektron poçtuna və mobil telefonuna onun razılığı ilə reklam mesajları göndərmək hüququna malikdir. 

İstifadəçi/Alıcı imtinanın səbəblərini izah etmədən, Satıcıya yazılı ərizə göndərməklə reklam və digər məlumatları almaqdan imtina etmək hüququna malikdir.

Fərdi məlumatların emalına razılığın geri götürülməsi, fərdi məlumatların emalına razılığın ləğvi üçün Satıcıya yazılı ərizə göndərməklə həyata keçirilir.

Satıcı "cookies" texnologiyasından istifadə etmək hüququna malikdir. "Cookies" məxfi məlumatları ehtiva etmir. Ziyarətçi / İstifadəçi / Alıcı bununla statistik məlumatların yaradılması və reklam mesajlarının optimallaşdırılması məqsədilə üçüncü tərəflər də daxil olmaqla "cookies" toplanması, təhlili və istifadəsinə razılıq verir.

Satıcı Saytın ziyarətçisinin IP ünvanı haqqında məlumat alır. Bu məlumat ziyarətçini müəyyən etmək üçün istifadə edilmir.

Satıcı İstifadəçi/Alıcının Saytda açıq formada təqdim etdiyi məlumatlara görə məsuliyyət daşımır.

Satıcı İstifadəçi/Alıcı ilə telefon danışıqlarını qeyd etmək hüququna malikdir. Eyni zamanda, Satıcı telefon danışıqları zamanı alınan məlumatlara icazəsiz daxil olmaq cəhdlərinin və/və ya onun Sifarişlərin icrası ilə birbaşa əlaqəsi olmayan üçüncü şəxslərə ötürülməsi cəhdlərinin qarşısını almağı öhdəsinə götürür.

Ümumi ofertanın qüvvədə olma müddəti

Bu Ümumi oferta Saytın Ziyarətçisi/Alıcısı tərəfindən qəbul edildiyi andan qüvvəyə minir və Ümumi ofertadan imtina edildiyi tarixədək etibarlıdır. 

Satıcının rekvizitləri və əlaqə məlumatları